د.عمر محمود خالد وقصيدة وفن الشعر الحلمنتيشي..(الشعبي عندنا) فيديوهات

عمر محمود خالد من مواليد ولاية الجزيرة بالسودان – طابت الشيخ عبدالمحمود .إلتحق بكلية الطب جامعة الخرطوم كان لقصيدة يا سيدة لا الأثر الطيب فى إشتهاره كشاعر وكان حينها فى بداية دراسته للطب .هاجر خارج السودان حيث عمل بالجماهيرية العربية الليبية ومكث فى صحرائها خمسة سنوات وكتب في هذه الفترة قصيدة ” خمسة سنين ” شكراً وعرفاناً لزوجته التى رافقته .عمل د . عمر محمود خالد معداً ومقدماً لبرنامج “صحة وعافية ” فى تلفزيون السودان لفترة من الزمن ثم تحول البرنامج إلى ” قناة النيل الأزرق ” ولا يذال يعرض .

د .عمر محمود خالد طبيب متخصص فى الأمراض الصدرية والتنفسية وشاعر غنائى تغنى له محمد الأمين (خمسة سنين وحلم الأماسى ) .

يا سيدة لا
فايتانا وين مستعجلا
شرط أمتحان
ما أنت كملت الحلا
لازم علوم ما سمحة قاطعة مكحلة
ما ساحرة نايرة ومذهلة
فوتك منو العاد بيقبلا
الشلة تبكى مولولا
الليلة اصبحت أرملة
ما كنت نوارها ونسيمها
والعنب البرشح من سناهو يجملا
القمرة وكتين أختفت
رحنا ليها نأنبها
قلنا ليها
ساعة الظلام ايه مانعا
قالت خلاص بارضكم مالى صلة
أنا كنت بشتاق للعيون
الطبيعة مكحلة
وانا كان عشان اغلى البنات بضوى الديار
واجملا
غلطات كتيرة الكومبيوتر بعملا
ما قالوا بعرف كل شىء
لكنو ما عرف الحلا
لوكان عرف
كل النمر كان عدلا
وعشان عيونك ياقمر كان
ختى اسمك أولا
مالو العميد مالو البليد
ما خلى ست الناس تعيد
الجامعة وراك كوم رماد
سفرا بعيد مافيه زاد لافيها
طب لا أقتصاد
ولاأداب ولا صيدلة