في شهر سته كنت طالع من البيــــــــــــــــــك*** في موتري سرحان واعدل اعقـــــــــــــــــــــــــــــــال
وصوت المسجل يطرب اللي يناجيـــــك*** ماكنت اطالع دام فيروز شغـــــــــــــــــــــــــــــــــال
وفي ثانيه واصــــــــــــــــــدم كرله بها كيــــــــــــــك*** في الخلف والسواق من جنس نيبـــــــــال
قالت لي الكيكه عســــــــــى الله يعميــــــــــــك *** ماتلتفت وشفيك ؟ ماشفتكم قـــــــــــــــــــــــــــــــال
قلت ابشري باللي تبينــــــــــــــــه وبعطيـــــــــــــــك*** واصلَح الموتر على ايَة احــــــــــــــــــــــــــــــوال
واعطيتــــــــــــــــــــــــــها كرتي وقالت لراويــــــــــــــك*** كان امتحان وصوبها كنت ميـــــــــــــــــــــال
كتبت شيك وقلت له ليه اداعــــــــــــــيــــــــــــــك*** وانا الذي مخطي ولاعندي اعــــــــــــــلال
قالت نبيها كاش مانقبل الشــــــــــــــــــيــــــــــــــك*** واعطيتها باسرار مني وفي الحــــــــــــــال
وشفت بيده خزنةً تشــــــــــــــــــــــبه الديــــــــــــــــك *** اكيد تاخذها لتجميع الامــــــــــــــــــــــــــــــــــــــــــــــ وال
قالت حكي يجرح ونضراتها هيــــــــــــــــــــك*** اكيد يانصَاب واظن محتـــــــــــــــــــــــــــــــــــــــــــــــ ــــــــال
ماقلت غير الله عسى الله يهديـــــــــــــــــــــك*** ياللي على مثلي تكبر وتختـــــــــــــــــــــــــــــــــــال
لو تلمس ايديها العطر ينقطع فيــــــــــــك*** قوامها فتان وعيونها اكحـــــــــــــــــــــــــــــــــــــــــــــــ ــــــــــــال
صدَيت وانا اقـــــــــــــــــول يازين عينـــــــــــــــــيك*** والَا على الكبوت قطعه من الشــــــــــــــــال
اخذتها قلت احتفــــــــــــــظ به وغنــــــــــــــــــــــــــيك *** وجرَ بك شعري اغاني ومـــــــــــــــــــــــــــــــــــــــــــوَال
ودقَت بعد يومين وتقول اباجيـــــــــــــــــــــــــــك*** ارد لك اللي اخذته من المــــــــــــــــــــــــــــــــــــــــــــال
عيَيَت قالت لي عسى الله يغنيــــــــــــــــــــــك *** من وين لك رديت انا سيَد اعمـــــــــــــــــــــــال
قالت تفضل عندنا البيت اعشـــــــــــــــــــــيك*** نحكي شوي وتشوف بي حبة الخـــــــــال
حتى يديني ودها تلـــــــــــــــــــــــمس ايديــــــــــــك*** وابغاك تحكي لي قصص شي وامثال
وانا هويتك حب صادق وانا ابـــــــــــــــــيك*** وقالت لي انا آمال وانته على البــــــــــــال
وتقول لي اني احبك وانا اغليــــــــــــــــــــــك*** ولا ضاقت الدنيا ترى جنبك آمــــــــــــــــــــــال
صرخت فيها قلت يازين مبــــــــــــــــــــــــغيك*** ماريدكي ماطيقكي ويش الاهمـــــــــــــــــال
قالت افضفض لك حياتي وســـــــــليك *** وتقول لي مابيك والدمع همَـــــــــــــــــــــــــــــــال
تبيعني وانا التي كنت ابــــــــــــــــــــــــــــشريك*** حرام ماكلَمك ياطيَب الفـــــــــــــــــــــــــــــــــــــــــــــــ ـــــــال
جلست فتره قلت ابو الشال ناسيك*** ودقت عليَه بنت تسأل عن الحـــــــــــــــال
اثاري انها اختها قلت وش فيـــــــــــــــــك*** قالت تعرف آمال ياسيَد اعمـــــــــــــــــــــــــــــــال
ماتت قبل اسبوع من كثر تبكيــــــــــــك*** واعطتني الخزنه ورسمه وجـــــــــــــــــــــــــــوال
ودايم تقول افديك ياعمري افديـــــــــك*** وان مت موتي من سبب حب رجال
قريت لي جمله على خزنته ذيــــــك*** العشق ماله حل والحب قتَــــــــــــــــــــــــــــــــــــال
فتحت خزنتها وحصَلت لي شيـــك*** الشـــــــــــــــــــــيك ذاك اللي عطيته ولا زال
حلفت بالله لحتفظ بك ولا ارميـــــــك*** ولا اصرفه ذكرى معي طرفة الشَال
ـــــــــــــــــــــــــــــــــــــالتوقيع
سبحانك اللهم وبحمدك ، أشهد أن لا إله إلا أنت أستغفرك وأتوب إليك
